Ikastaroaren helburua

2005eko azaroaren 10eko EHAAren 285/2005 Dekretuan oinarrituta, tatuaje, mikropigmentazio eta piercing edo antzeko teknikak erabiltzen dituztenek behar besteko ezagutza maila eduki behar dute, dekretu horretan arautzen diren jardunetan gerta daitezkeen osasunerako arriskuak prebenitzeko. Aipatutako titulazio edo kualifikazioak (medikuntzan lizentziatua, farmazian lizentziatua, erizaintzan diplomatua, estetikan goi mailako teknikaria, makillaje osorako kualifikazio profesionala duena) ez dauzkaten aplikatzaileek erakutsi egin behar dute gainditu dutela gutxienez 40 orduko prestakuntza ikastaroa, eta horren egitarauak dekretuaren 3. eranskinak islatutako edukiak hartu behar ditu aintzat. Eusko Jaurlaritzaren Osasun Publikoko Zuzendaritzak tatuatzaileei higiene- eta osasun-prestakuntza emateko baimendutako erakundeak dira Euskal Autonomia Erkidegoko Erizainen Elkargoak, eta, zehazki, Gipuzkoako Erizaintza Elkargoa.