Erizaintzako Lanbide Elkargoen Leihatila Bakarra sarbide-puntu telematiko bat da, Elkargoaren Erakundea elkargokideei eta herritarrei hurbiltzeko helburua duena. Eskabideak, dokumentuak eta komunikazioak elektronikoki aurkezteko aukera eskaintzen du, modu horretan, kostuak eta denbora aurrezten direlako espedienteak izapidetzean. Izaera ekologikoa ere badauka, paperaren joan-etorria murrizten duelako.

Zerbitzuen Zuzentarauaren arabera, leihatila bakarraren kontzeptua erizaintza bezalako lan-jarduera bati buruzko informazio guztia harremanetarako gune bakar batean eskaintzetik harago doa. Hain zuzen, lanbide bat eskuratzeko eta bertan jarduteko izapideak gune bakarretik burutzea du helburu; adibidez, baimen-eskaerak edo erregistroetan izena emateko eskaerak.